GaleriNEWYDDION
SIR BENFRO
Ffermwyr Ifanc Sir Benfro yn derbyn her Dudley
Ar raglen Dudley: O’r Gât i’r Plât ar S4C, nos Fercher 30 Mehefin am 9:00pm, bydd criw o ffermwyr ifanc o Sir Benfro yn derbyn her gan y cogydd Dudley Newbery i baratoi pryd o fwyd syml.
Gyda chromlech Pentref Ifan yn gefndir trawiadol, bydd y pedwar ffermwr ifanc - Robert Davies, Catrin Williams, Aled Johnson a Lisa Thomas - yn dilyn cyfarwyddiadau cam wrth gam Dudley er mwyn paratoi pryd syml o gyw iâr gyda saws madarch a saets.
Er bod y pedwar yn honni nad ydyn nhw’n gogyddion profiadol iawn, mae Dudley wedi ei blesio gan eu hymdrechion. Ond pa un lwyddodd i greu’r pryd mwyaf blasus?
Yn ystod y rhaglen, bydd Dudley yn ymweld â Marchnad Ffermwyr Hwlffordd, gan gwrdd â chynhyrchwyr bwyd Sir Benfro sy’n gwerthu eu cynnyrch yn y farchnad. Bydd hefyd yn paratoi pryd o fwyd i’r ddwy chwaer Mari Grug a Lisa Haf a fagwyd ym Mynachlog Ddu.
Dudley: O’r Gât i’r Plât
Nos Fercher 30 Mehefin 21:30, S4C
Barnu Stoc
Cynhaliwyd cystadlaethau terfynol barnu gwartheg godro yn ddiwedd yn ystod y digwyddiad Llaeth a Da byw yn Stoneleigh, Swydd Warick yn ddiweddar. Cafodd Caroline Lewis o CFfI Llysyfran ei gosod yn ail yn yr adran hon, ac aelod o Sir Gâr oedd yn gyntaf.
Cafodd tîm Sir Benfro sef Caroline a Jane Elliott o CFfI Llawhaden a Caitlin Davies, CFfI Llysyfran eu gosod yn 11 allan o 36 o dimoedd.
Siarad Cyhoeddus Aelodau Iau
Cynhaliwyd cystadlaethau siarad cyhoeddus iau Sir Benfro yn ddiweddar a chafodd y beirniad Malcom Lewis y dasg anodd o feirniadu'r aelodau. Yr oedd gofyn i’r aelodau a oedd yn 16 mlwydd oed neu iau cadeirio cyfarfod, cyflwyno araith a rhoi cynnig o ddiolch o flaen gynulleidfa enfawr.
Ar ddiwedd y gystadleuaeth CFfI Templeton aeth a tair tarian allan o bedwar. Vincent Morse derbyniodd y cwpan ar gyfer y siaradwr gorau ar ôl ei araith ysbrydoledig ar roi gwaed, a’i chwaer Bryony rhoddodd y bleidlais o ddiolch gorau. Roedd Hannah Phillips hefyd yn rhan o’r tîm a ddaeth yn gyntaf. Cafodd CFfI Eglwyswrw eu gosod yn ail a CFfI Llawhaden a Llysyfran eu gosod yn gydradd drydydd.
Christina Morgan o CFfI Llysyfran oedd y cadeirydd gorau.
Mae tîm o ddarllenwyr Ifanc o Sir Benfro wedi ennill ar lefel cenedlaethol. Cafodd Daniel James o CFfI South Pembs a Sara Edwards a Hannah Watkins o CFfI Eglwyswrw eu gosod yn gyntaf allan o’r holl dimoedd a oedd yn cystadlu yn y cystadlaethau siarad cyhoeddus a gynhaliwyd yn Stafford yn ddiweddar.
Daeth tîm siarad ar ôl cinio Sir Benfro yn gydradd pumed.