GaleriCroeso i CFfI Cymru
Croeso i wefan CFfI Cymru. Mae CFfI Cymru yn fudiad ieuenctid gwirfoddol sy'n cynrychioli 6,000 o bobl ifanc yng nghefn gwlad Cymru. Er bod enw'r Mudiad yn cyfeirio at ffermwyr ifanc, mae ein haelodaeth yn cynnwys pobl ifanc o bob cefndir sy'n byw yng nghefn gwlad - felly nid oes rhaid i chi fod yn ffermwr er mwyn bod yn aelod - os ydych rhwng 10 a 26 mlwydd oed ac yn joio byw a joio dysgu ymunwch gyda CFfI Cymru mwy...
Y diweddaraf o CFfI Cymru
A-Z - Cliciwch yma ar gyfer y tudalen A - Y.
SWYDDOG DATBLYGU GWLEDIG
Ydych chi yn chwilio am swydd a fydd yn eich ysbrydoli i wneud gwahaniaeth yng Nghymru wledig ac i gynorthwyo pobl ifanc i gyrraedd eu potensial?
Os ydych, mae cyfle cyffroes wedi codi o fewn CFfI Cymru ar gyfer berson brwdfrydig i fod yn gyfrifol am ein rhaglenni gwaith gwledig. Am fwy o wybodaeth cliciwch yma.
Cystadleuaeth Magu Llo CFfI Cymru NatWest
Y dyddiad cau ar gyfer y cystadleuaeth yma sy'n
rhoi'r cyfle i aelodau ddangos eu lloi yn ystod Ffair Aeaf Cymru yw'r 1af o Awst.
Cliciwch yma am fwy o fanylion a ffurflen gais.
Sioe Frenhinol Cymru
Mae CFfI Cymru yn
llongyfarch ei hun, yr aelodau a'r cefnogwyr ar lwyddiant ysgubol yn ystod Sioe
Frenhinol Cymru. Roedd presenoldeb y mudiad ar faes y Sioe ac yn y Pentref
Ieuenctid yn llwyddiant.
Daeth cannoedd o ymwelwyr i ganolfan y CFfI i gael eu diddanu gan aelodau a'u talentau amrywiol. Gwesteiodd CFfI Cymru 19 o gystadlaethau gyda dros 60 o feirniaid, 100 o stiwardiaid a bron i 1000 o gystadleuwyr yn sicrhau eu llwyddiant.
Yn ystod yr wythnos heidiodd miloedd drwy gatiau y Pentref Ieuenctid ar gyfer y Parti yn y Pabell Pig. Roedd y rhai a oedd yn bresennol wedi cael eu diddanu gan Tebot Piws, Sibrydion, Dance Nation, Greg James, y Sleeves a'r Stereotonics. Eleni roedd y mudiad yn medru ehangu ar y cyfleusterau carafanio a gwelwyd cynnydd yn y nifer yn defnyddio'r safle.
Cliciwch yma am ganlyniadau ac yma am lluniau.
Logo Arfaethedig ar gyfer CFfI Cymru
Yn ystod cyfarfod Cyngor CFfI Cymru a gynhaliwyd ym mis Mehefin cyflwynwyd logo arfaethedig ar gyfer y mudiad i'r aelodau. Lleisiodd yr aelodau eu barn ar y cynllun newydd ac roeddent o blaid gynnal ymgynghoriad llawn gyda'r aelodau. Dechreuodd yr ymgynghoriad yn ystod wythnos Sioe Frenhinol Cymru, lle cafodd aelodau'r cyfle i wneud sylwadau ar y logo presennol, y logo arfaethedig ac i awgrymu unrhyw syniadau eraill. Fe fydd y cyfnod ymgynghorol yn dod i ben ar ddechrau mis Hydref. Cliciwch yma i weld y logo arfaethedig ac i wneud sylwadau.
Lansio cystadleuaeth newydd - ‘Arloeswyr Ifanc gydag Adnoddau Naturiol'
Heddiw lansiodd Gweinidog Materion Gwledig, Elin Jones, cystadleuaeth newydd yn ystod y Sioe Frenhinol, sef ‘Arloeswyr Ifanc gydag Adnoddau Naturiol'; gwobr sy'n dilyn y wobr Amaeth Amgylcheddol hynod lwyddiannus a oedd yn rhan o weithgareddau dydd Llun y Sioe Frenhinol am y deng mlynedd diwethaf.
Rhaid i gystadleuwyr fod yn 40 oed neu iau a'r dyddiad cau ar gyfer derbyn ceisiadau fydd dechrau mis Hydref 2010. Bydd rowndiau beirniadu rhagarweiniol yn cael eu cynnal mewn tair ardal wahanol cyn y rownd derfynol Cymru gyfan. Bydd enillwyr y cyfanswm o £3,000 yn cael eu cyhoeddi yn Ffair Aeaf Sioe Frenhinol Cymru ym mis Tachwedd y flwyddyn hon. I ddatgan diddordeb yn y gystadleuaeth cliciwch yma.
Trip Aelodau Iau CFfI Cymru 2010
Cliciwch yma am fwy wybodaeth.
Her i Tim
Mae cadeirydd CFfI Cymru yn barod am her. Mae bob
un o'r deuddeg Ffederasiwn Sirol yng Nghymru wedi derbyn gwahoddiad i osod her
i Tim John er mwyn codi arian ac ymwybyddiaeth ar gyfer elusen y flwyddyn,
Sefydliad Aren Cymru. Cliciwch yma am fwy o wybodaeth.
Cynllun Ŵyn CFfI Cymru
Mae CFfI Cymru wedi gweithio'n agos gyda Dunbia a Sainbury's
er mwyn datblygu cyfle ar gyfer aelodau CFfI Cymru i gyflenwi naw Siop
Sainsbury yng Nghymru gyda chig oen Cymreig, 52 wythnos o'r flwyddyn. Fe fydd y
cynhyrchydd yn derbyn pris premiwm a tal bonws ar gyfer y mudiad er mwyn
cefnogi'r aelodau i ddatblygu eu hunain ymhellach. Am fwy o wybodaeth cliciwch yma neu
cysylltwch gyda jenni.evans@yfc-wales.org.uk